Sögustund

Læsi byggir á því að einstaklingur skilji það sem hann les í samfelldum texta eins og upplýsingatexta eða sögum og að viðkomandi geti tjáð hugsanir sínar í riti þannig að aðrir skilji.

​

Hlustunarskilningur er undanfari lesskilnings og tjáningarfærni barna í tali og leik er undanfari þeirra texta og stíla sem þau þurfa og vilja miðla í framtíðinni. Saman mynda hlustunarskilningur og tjáningarfærni því grunninn að læsi og góð læsisfærni er lykill að farsælli framtíð hverrar manneskju.

​

Hjá Sögustund er lögð áhersla á að efla hlustunarskilning barna með því búa til ævintýraheima og segja ungum börnum á leikskólaaldri sögur með hjálp brúða og í framhaldi að veita börnunum tækifæri til þess að efla tjáningarfærni sína með fjölbreyttum efnivið.

​

Þjálfun í sögugerð og sá árangur sem leikskólabörn ná í því að segja eigin sögur er einn af mikilvægustu þáttum bernskulæsis þeirra og seinni tíma námsárangurs.